«Կապիտալ». Լևոն Տեր–Պետրոսյանի հայտարարությունը սովորական պրագմատիկ քայլ է

Անդրադառնալով «Ժառանգություն» կուսակցության պատգամավոր Արմեն Մարտիրոսյանի Tert.am-ի հետ զրույցին` «Կապիտալ»-ը մեջբերում է պատգամավորի կարծիքը իշխանության ու ՀԱԿ-ի երկխոսության արդյունքում ստացվելիք համաձայնության մասին. «Կարծում եմ` իշխանությունն ու Հայ ազգային կոնգրեսը երկխոսության արդյունքում ընդհանուր օրակարգի կգան»,- ասել է պատգամավորը՝ համոզմունք հայտնելով, որ իշխանությունը քաղբանտարկյալներին ազատ արձակելով մեղմել է իրավիճակը. «Քանի որ կողմերը պատրաստ են փոխզիջումների, մնացած հարցերում էլ կգան համաձայնության»։

««Ժառանգության» պատգամավորի գնահատմամբ՝ Լևոն Տեր–Պետրոսյանի երեկվա հայտարարությունն այն մասին, թե ՀԱԿ-ն արդեն պատրաստ է իշխանության հետ պատվիրակությունների մակարդակով երկխոսության, սովորական պրագմատիկ քայլ է»,- գրում է «Կապիտալ»-ը և մեջբերում. «Դա սովորական, պրագմատիկ քայլ է քաղաքական ուժի կողմից, որը, սակայն, չի համընկնում նրա կողմից նախկինում հռչակած մոտեցումներին և հեռու է հասարակության ակնկալիքներից»։