Հյուսիսային Կորեայի վրա «գլոբալ ճնշումն ուժեղացնելու» ԱՄՆ կառավարության վերջին կոչերը բացառում են Կորեական թերակղզու միջուկազերծման վերաբերյալ ցանկացած երկխոսություն: Այս մասին ասվում է կիրակի Կորեայի կենտոնական հեռագրային գործակալության հրապարակած հայտարարության մեջ:
««Գլոբալ գործողությունների» մասին խոսակցությունները՝ ինքնիշխան պետությանը մեղադրելով ինքնապաշտպանության հնարավորություններ ունենալու համար (ԱՄՆ նախագահ Դոնալդ) Թրամփի ոճով ուժային քաղաքականության կենդանի դրսևորում են՝ նախատեսված ԱՄՆ-ի շահերի հետապնդման համար՝ ուրիշներինը զոհելու ճանապարհով: Դա պարզապես նրանց վերջին հուսահատ փորձն է, ովքեր կորցրել են Հյուսիսային Կորեայի ռազմավարական դիրքով խոցված ինքնատիրապետումը»,- ասվում է հաղորդագրության մեջ:
Ըստ գործակալության՝ «ողջ աշխարհին ինքնիշխան պետության դեմ արշավին մասնակցության համար մոբիլիզացնելու ԱՄՆ բոլոր ավազակային փորձերը միայն որովհետև նրան հավանություն չի տալիս (ԱՄՆ-ը), երբեք չեն գործի ժամանակակից աշխարհում»:
«ԱՄՆ-ը պետք է գիտակցի փաստը, որ քանի դեռ ԱՄՆ-ը չդադարեցնի իր թշնամական քաղաքականությունը Հյուսիսային Կորեայի դեմ, Հյուսիսային Կորեայի միջուկային և հրթիռային ծրագիրը երբեք բանակցությունների առարկա չի դառնա և Հյուսիսային Կորեայի միջուկազերծման վերաբերյալ երկխոսություն երբեք հնարավոր չի լինի»,- ասվում է մեկնաբանության մեջ:
