Թունիսում կանանց հարցերով նախարարությունը հայտարարել է «սեքս-ջիհադի» դեմ պայքարելու մտադրության մասին: Գերատեսչությունում տեղեկացրել են, որ պատրաստվում են համագործակցել պետական և ոչ կառավարական կազմակերպությունների հետ, որպեսզի համապատասխան միջոցներ ձեռնարկվեն և թունիսցի կանանց արգելվի Սիրիայի ապստամբներին սեռական ծառայություններ մատուցելու համար այնտեղ մեկնել:
Անցած շաբաթ Թունիսի ՆԳ նախարարությունը հայտարարել էր, որ թունիսցի կանայք Սիրիա են մեկնում և այնտեղ սեքսով զբաղվում 20 և ավելի գրոհայինների հետ, որից հետո հղիացած վերադառնում են հայրենիք:
«Ջիհադ ալ-նիկահը» թույլ է տալիս արտամուսնական հարաբերություններ ունենալ միանգամից մի քանի զուգընկերների հետ:
Թունիսյան ԶԼՄ-ների տեղեկությունների համաձայն՝ Սիրիայում «սեքս-ջիհադին» հարյուր թունիսցի կանայք են ներգրավված: Թունիսի նախկին մուֆտիներից մեկն այս երևույթը «մարմնավաճառություն» է համարել:
