Համացանցում հայտնվել է տեսանյութ՝ Նորթհեմփթոնից, այսպես կոչված, սարսափելի ծաղրածուի մասնակցությամբ: Այս մասին հաղորդում է The Daily Telegraph-ը: Տեսանյութում կարելի է տեսնել, թե ջրում կանգնած ծաղրածուն ինչպես է շարժում մատները և ողջունում հանդիսատեսին:
Թերթի տվյալներով՝ տեսանյութը ձայնագրվել է Էբինգթոն այգում: Հայտնի չէ, թե ով է օպերատորը: Տեսանյութի հայտնվելուց հետո սարսափելի ծաղրածուն պաշտոնական որևէ հայտարարություն չի արել, չնայած նախկինում նա շփվել է Northampton Chronicle and Echo պարբերականի լրագրողների հետ գաղտնիության պայմանով:
Ծաղրածուի մասին հայտնի է դարձել ուրբաթ՝ սեպտեմբերի 13-ին: Դրանից հետո նա իր լուսանկարներն է հրապարակում Facebook սոցիալական ցանցում: Ծաղրածուն որոշ ժամանակ հրաժարվում էր շփվել մամուլի ներկայացուցիչների հետ, բայց վերջ ի վերջո հարցազրույց է տվել: Նրա խոսքերով՝ ինքը վատ մտադրություն չունի, իսկ իր տարօրինակ գործողություններով ցանկանում է ուրախացնել մարդկանց:
Ծաղրածուն ասել է, որ պետք է մարդկանց մոտ այնպիսի արձագանք առաջացնի, ինչը նրանց մոտ առաջանում է սարսափ-ֆիլմեր դիտելուց հետո: Նրա խոսքերով՝ սարսափ-ֆիլմեր դիտելուց հետո վախի զգացմանը հաջորդում է ուրախությունը: Միևնույն ժամանակ նա նշել է՝ եթե մարդիկ իր սպառնալիքներում վտանգ տեսնեն, ինքը ստիպված կլինի հրաժարվել իր գաղափարից:
