Մեր ազգը պիտի ընդունի, որ առաջիկայում նորից Սերժ Սարգսյանը պիտի ղեկավարի երկիրը: Նման հայտարարություն է այսօր արել ԱԺ նախկին նախագահ, Հանրապետական խմբակցության պատգամավոր Գալուստ Սահակյանը խորհրդարանում լրագրողների հետ զրույցում՝ անդրադառնալով 2018 թվականից հետո Հայաստանի վարչապետի պաշտոնը զբաղեցնելու հարցին:
«Հիմա այսօր հարցնում են, ով պիտի լինի, ես ասում եմ հետևյալը՝ այսօր քաղաքական դաշտում, որն ունի քաղաքական մեծ թիմ, և որը մասնակցել է նոր անկախ Հայաստանի ամբողջական պատմությանը, մեկ անձ է մնացել՝ Սերժ Սարգսյանը, այսինքն՝ երկրի ղեկավարումը պիտի գնա Սերժ Սարգսյանին»,- հայտարարել է Գալուստ Սահակյանը:
Գալուստ Սահակյանը նշել է, որ պետք է հասկանալ՝ երկրի տերը ոչ թե վարչապետն է, այլ ժողովուրդը։
Օրերս ԱԺ-ում վարչապետ Կարեն Կարապետյանը հայտարարել էր, թե ինքն այն մարդկանց թվում չէ, ովքեր համոզում են Սերժ Սարգսյանին 2018-ին վարչապետ դառնալ:
