ԱՄՆ նախագահ Դոնալդ Թրամփը ժամանել է Լեհաստան։ Այսօր նա հրապարակային ելույթով հանդես կգա մայրաքաղաք Վարշավայի Կրասինսկիի հրապարակում։ Այս մասին հայտնում է «Ամերիկայի ձայն»-ը։
Ծրագրված է հանդիպում Լեհաստանի նախագահ Լեհաստանի նախագահ Անջեյ Դուդայի հետ։
Մեծաթիվ լեհեր ողջունում են երկու երկրների միջև կապերի ամրապնդումը խորհրդանշող այս այցը։
Ռուսաստանի հետ սահմանամերձ լինելու հանգամանքն է Լեհաստանին ստիպում իր անվտանգության համար ավելի ու ավելի շատ հույսը դնել ՆԱՏՕ-ի վրա։
Մեծ նշանակություն է այսօր տրվում նաև տնտեսական անվտանգությանը։ Նախագահ Թրամփը մասնակցելու է Բալթիկ, Ադրիատիկ ու Սև ծովերի, կամ «Երեք ծովերի նախաձեռնություն» անվանումը կրող ֆորումին, որի նպատակը էներգետիկ անկախությանը զարկ տալն է։ Լեհաստանը հույս ունի դառնալ Ամերիկայի հեղուկացված գազի ներկրումների հանգույց Եվրոպայում։
