Այն ներկերը, որոնք օգտագործվում են դաջվածքներ անելու համար, պարունակում են սնդիկ և կոբալտ, ինչպես նաև՝ վտանգավոր կանցերոգեններ, որոնք կարող են քաղցկեղի պատճառ դառնալ:
Գիտնականները կարծում են, որ այդ թանաքի մասնիկները կարող են արյան մեջ ընկնել և կուտակվել փայծաղում ու երիկամներում՝ նվազեցնելով օրգանիզմի աշխատունակությունը:
Փորձագետները ցանկանում են հասնել նրան, որպեսզի դաջվածքների համար նախատեսված ներկերի նկատմամբ կիրառվեն այնպիսի սահմանափակումներ, ինչպիսին՝ ծխելու և սոլյարիի:
Բրեդֆորդի համալսարանի մաշկաբանական կենտրոնի տնօրեն Դեսմոնդ Թոբինը The Sunday Times-ին ասել է, որ շատ է զարմացել, երբ իմացել է, որ ոչ ոք չի հետևում նման ներկերի որակին:
Ըստ Անգլիայի առողջապահության ասոցիացիայի հաշվետվության՝ բրիտանացիների մոտ 20 տոկոսը դաջվածքներ ունեն: Նշվում է նաև, որ կարմիր ներկերում սնդիկ է հայտնաբերվել, կանաչներում և կապույտներում՝ կոբալտ:
