Այսօր Երևանի պետական համալսարանում մեկնարկեցին 2011-2012 ուսումնական տարվա ընդունելության քննությունները: Քննաշրջանը մեկնարկեց ռուսաց լեզու և քիմիա առարկաների քննություններով: Ռուսաց լեզու առարկային քննություն հանձնելու հայտ ներկայացրել են 81 դիմորդ, քիմիա առարկային՝ 102:
Քննությունների անցկացման համար յուրաքանչյուր մարզում ձևավորվել է մեկական քննակենտրոն: Ամբողջ ՀՀ տարածքում կգործի 11 քննական կենտրոն:
Այս տարի ևս, ինչպես նախորդ տարիներին, քննասենյակներում տեղադրվել են տեսախցիկներ, խլացուցիչներ և անհրաժեշտ այլ առարկաներ:
Նշենք, որ հանրակրթության 12-ամյա համակարգի անցնելու հետևանքով՝ այս տարի առաջին անգամ Հայաստանի 1400-ից ավելի հանրակրթական դպրոցներ շրջանավարտներ չեն ունեցել:
Այս տարվա միասնական ընդունելության քննությունների առաջին փուլին կմասնակցի 1209 դիմորդ: