«Շատերին միամտորեն թվում է, որ եթե ի վերջո շրջադարձը եղավ դեպի Ռուսաստան, Հայաստանը շահեց ՌԴ վստահությունը: Բայց դա այդպես չէ»: Այս մասին «168 ժամ» պարբերականին տված հարցազրույցում ասել է ԱԺ ՀԱԿ խմբակցության ղեկավար Լևոն Զուրաբյանը:
Ըստ նրա, վերջին զարգացումների արդյունքում Հայաստանը կորցրել է ոչ միայն Եվրոպայի, այլ նաև Ռուսաստանի վստահությունը:
«Ս.Սարգպանին այլևս ոչ մեկը լուրջ չի ընդունում: Դրա ապացույցը հայկական եկեղեցու բացման ժամանակ արձանագրվեց, երբ ոչ մի ռուս բարձրաստիճան պաշտոնյա չներկայացավ միջոցառմանը, չընդգծեց դաշնակցային մեր հարաբերությունները, այն դեպքում, երբ Հայաստանի նախագահը շնորհավորեց Սոբյանինին՝ Մոսկվայի քաղաքապետին՝ իր վերընտրության կապակցությամբ: Այլ կերպ լինել չէր կարող: Սա ՌԴ վերաբերմունքի ակնհայտ ցուցադրություն է»,- նշել է նա՝ ավելացնելով, թե ռուսական իշխանությունները Հայաստանի հետ խնդիր չեն ունեցել այնքան ժամանակ, մինչև Սերժ Սարգսյանը իրենց «գլխացավանք» չի պատճառել՝ բանակցություններ վարելով Եվրոպայի հետ, ինչը չի համընկել Կրեմլի շահերին:
Հարցազրույցն ամբողջությամբ՝ կարդացեք «168 ժամ» պարբերականի այսօրվա համարում:
