Միացյալ նահագների Դաշնային պահուստային համակարգը որոշել է շարունակել ամսական 85 մլրդ դոլարի պետական պարտատոմսերի և հիփոթեքային թղթերի գնումը: Բայցի դրանից համակարգը որոշել է դոլարի բազային տոկոսադրույքը պահպանել ռեկորդային ցածր մակարդակի վրա` 0-0.25 տոկոս:
Այս քայլից միանգամից բոլորը ենթադրում են, որ սպասվում է դոլարի էժանացում, քանի որ, պարզ ասած, շուկայում այն շատանում է`գինը իջնում: Սակայն դա այնքան էլ այդպես չէ: Իհարկե դրամային հոսքերը ԱՄՆ տնտեսության և ընդհանրապես համաշխարհային տնտեսության մեջ մի տեսակ նման է չորացած հողերը ջրելուն, ինչը և երկար ժամանակ անում է Դաշնային պահուստային համակարգը: Բայց ավելցուկային դրամական հոսքերի հետևանքներն էլ կարող են կործանարար լինել, իսկ Դաշնային պահուստային համակարգը ամսական 85 մլրդ դոլար է լցնում համակարգի մեջ: Գիտակցելով հնարավոր հետևանքները` բանկային համակարգը կլանում է այդ գումարները և դեռ շատ գումարներ բաց չի թողնում սպառողական շուկա: Դա իրականացվում է բանկային համակարգի գումարային մուլտիպլիկատորը փոքրացնելու միջոցով:
Եվ արդյունքում, եթե շատ դոլար չի մտնում շուկա, այն առանձնապես չի էլ թուլանում: Այնպես որ, չնայած Դաշնային պահուստային համակարգի որոշմանը, դոլարի էժանացման առանձնապես սպասել պետք չէ:
