«Բուքեր» մրցանակը կդառնա ավելի ընդգրկուն և կշնորհվի գրական ստեղծագործության հեղինակներին, որոնք ստեղծագործում են անգլերենով ու հրապարակվել են Մեծ Բրիտանիայում՝ անկախ հեղինակի քաղաքացիությունից: Այս մասին նշված է մրցանակի պաշտոնական կայքում:
Մրցանակի շնորհման հոգաբարձուների հանձնաժողովը 2011-ից քննարկել է կանոնները արմատապես փոխելու հարցը: Արդյունքում որոշվել է բարձրացնել մրցույթի հեղինակությունը ի հաշիվ դրա ընդլայնման:
Եվս մեկ փոփոխություն է տեղի ունեցել՝ ուղղված ժյուրիին ներկայացվող գրքերի քանակի կրճատմանը: Համաձայն մրցանակաբաշխության կանոնների՝ ամեն ժյուրի պետք է կարդա բոլոր գրքերը, որոնք առաջադրվում են մրցանակի, իսկ դրանց թիվն այս տարի գերազանցել է 150-ը:
Հիմնական «Բուքեր» մրցանակը շնորհվում է ամեն տարի՝ սկսած 1969-ից, անգլալեզու ստեղծագործությունների համար, որոնց հեղինակները ապրում են Ազգերի համադաշնության երկրներում (Մեծ Բրիտանիան ու նախկին գաղութները), Իռլանդիայում ու Զիմբաբվեում:
Այս տարի մրցույթի հաղթողի անունը հայտնի կդառնա Լոնդոնում հոկտեմբերի 15-ին:
