Երեկ՝ սեպտեմբերի 18-ին, մահվան ելքով վրաերթ է տեղի ունեցել Կոտայքի մարզում: Ժամը 21:00-ի սահմաններում ճանապարհային ոստիկանության օպերատիվ կառավարման կենտրոն ահազանգ է ստացվել, որ Երևան-Իջևան ավտոճանապարհի 31-րդ կմ հատվածում Չարենցավան քաղաքի վարչական շրջանում՝ մայրուղու վրա, տղամարդու դի կա:
Ինչպես հայտնում է shamshyan.com-ը, նշված վայր է ժամանել ոստիկանության Չարենցավանի բաժնի օպերատիվ քննչական խումբը՝ Չարենցավանի ոստիկանապետ Սամվել Տոնոյանի և քննչական բաժանմունքի պետ Արման Զարգարյանի գլխավորությամբ: Ժամանել էին նաև Ճանապարհային ոստիկանության 2-րդ սպայական գումարտակի 3-րդ վաշտի 2-րդ դասակի աշխատակիցները՝ վաշտի հրամանատարի տեղակալ Երվանդ Ալեքսանյանի և դասակի հրամանատար Սամվել Հովհաննիսյանի գլխավորությամբ:
Դեպքի վայր ժամանած դատաբժշկի և քննիչի զննության արդյունքում մահացածի մոտ հայտնաբերվել է Հանրապատեկան կուսակցության անդամատոմս՝ Ադիբեկ Մկրտչյանի անվամբ:
Մանրամասները՝ shamshyan.com-ում