Սուրճի խանութների Starbucks ցանցն ամերիկացիներին արգելել է իր հաստատություններ մտնել հրազենով՝ հայտնում է Reuters գործակալությունը:
Նախկինում Starbucks-ն ակտիվորեն աջակցում էր հրազեն կրելու ամերիկացիների իրավունքը և նույնիսկ կազմակերպում էր, այսպես կոչված, «հարգանքի օրեր» հրազենի սիրահարների համար: Սակայն ղեկավարությունը ստիպված եղավ վերանայել իր հայացքները, երբ Նյութաունում բնակիչները սկսեցին դեմ հանդես գալ «հարգանքի օրվան»: Հենց այդ քաղաքում էր անցած տարվա դեկտեմբերին հրաձիգը սպանել 20 երեխայի և 6 մեծահասակի:
Իրավիճակը սրվել է երկուշաբթի՝ Վաշինգտոնում ռազմածովային ուժերի բազայում տեղի ունեցած հրաձգությունից հետո:
Ընկերությունում նշել են, որ չեն վախենում արգելքի պատճառով հաճախորդներ կորցնելուց:
