«ՀՀ կառավարությանն առընթեր պետական գույքի կառավարման վարչությունն օրեր առաջ մոտ 2 մլն դրամի չափով գնումներ է կատարել: «Ժողովուրդ» օրաթերթը տեղեկացավ, որ այս գերատեսչությունը մայիսի 17-ին պայմանագիր է կնքել «Զորաշեն» ընկերության հետ և ձեռք բերել կահույք:
Խորհրդարանական ընտրություններին մասնակցած, բայց պատգամավոր չդարձած Արման Սահակյանի կողմից ղեկավարվող այս կառույցը պետական միջոցներով գնել է խորհրդակցությունների մեկ սեղան՝ 568 հազար դրամով, փափուկ կահույքի մեկ հավաքածու՝ 600 հազար դրամով, մեկ բազմոց՝ 98 հազար 400 դրամով: Իսկ ահա ղեկավարի մեկ աթոռի համար այս գերատեսչությունը պետական միջոցներից ծախսել է 664 հազար 800 դրամ: Ենթադրվում է, որ այս աթոռը պետական գույքի կառավարման վարչության պետ Արման Սահակյանի համար է:
Նկատենք, որ գոնե ղեկավարի աթոռի գնման դեպքում Երևանի քաղաքապետ Տարոն Մարգարյանն ավելի բարեխիղճ էր («Ժողովուրդ»-ը գրել էր, որ քաղաքապետարանը գնել է ղեկավարի 300 հազար դրամանոց աթոռ), քան Ա. Սահակյանը: Ավելին՝ նման կահույք գնելու ինչ անհրաժեշտություն կար` այն դեպքում, երբ հաջորդ տարում կառավարությունը նախատեսում է լուծարել այս կառույցը»,-գրում է թերթը:
Նյութն ամբողջությամբ կարդացեք թերթի այսօրվա համարում:
