Եմենը գտնվում է խոլերայի համաճարակի սպառնալիքի առջև։ Մեկ ամսում խոլերայից մահացել է 250 մարդ, օրական հիվանդանում են հարյուրավոր մարդիկ՝ նախազգուշացրել է Save the Children բարեգործական կազմակերպությունը։
ԱՀԿ տվյալներով՝ քաղաքացիական պատերազմով ճարակված երկրում հիվանդությունը տարածվում է զգալի արագ։ Ամենից մեծ թվով հիվանդները մայրաքաղաք Սանայում են, որտեղ իշխանություններն արտակարգ դրություն են հայտարարել։
ՄԱԿ-ի տվյալներով՝ բնակչության 2/3-ը (մոտ 8 մլն մարդ) հասանելիություն չունի մաքուր խմելու ջրին, ինչը բարենպաստ պայմաններ է ստեղծում խոլերայի տարածման համար։
«Բժիշկներ առանց սահմանների» միջազգային կազմակերպությունը կոչ է անում միջազգային հանրությանը հրատապ օգնություն ցուցաբերել Եմենին՝ դադարեցնելու խոլերայի համաճարակը։ Եմենում քաղաքացիական պատերազմի հետևանքով ավերվել են 300 պոլիկլինիկաներ և հիվանդանոցներ։
