Արցախի ՀՆԱ մեկ երրորդն ապահովում է ապրանքների արտադրությունը, իսկ այստեղ առաջին տեղում արդյունաբերությունն է: Այն կազմում է ամբողջ ՀՆԱ 13.4 տոկոսը, երկրորդը գյուղատնտեսությունն է` ՀՆԱ 12.1 տոկոսով:
Ընդ որում, եթե հետևում ենք տարբեր ոլորտների դինամիկային, ապա տեսնում ենք, որ այստեղ էլ, ինչպես Հայաստանում, հիմնական անկում ապրող ճյուղը շինարարությունն է: Այսպես, այս տարվա առաջին կիսամյակում` անցած տարվա նույն ժամանակի համեմատ Արցախի արդյունաբերական արտադրանքն ավելացել է 3.3 տոկոսով, անտառային տնտեսությանը`9.5, գյուղատնտեսության արտադրանքը` 22.2, ծառայությունները` 9 տոկոսով: Սակայն այս ամենին զուգահեռ միակ անկում ապրող ճյուղը շինարարությունն է` -2 տոկոս:
Այդ ընթացքում ՀՆԱ-ն աճել է 7.2 տոկոսով, որի 2.3 տոկոսն ապահովել է գյուղատնտեսությունը, 1.6 տոկոսը` կառավարումը և պաշտպանությունը, 1.1 տոկոսը` ֆինանսներն ու վարկը: