« Առաջին լրատվական»- ի հետ զրույցում անդրադառնալով հարցին, թե ԵԱՀԿ Մինսկի խմբի համանախագահների՝ մայիսի 18-ի հայտարարությունը՝ կապված մայիսի 15-17-ը շփման գծում իրավիճակի սրման հետ, արդյո՞ք կարելի է Մինսկի խմբի դիրքորոշման որակական փոփոխություն համարել, քաղաքագետ Ալեքսանդր Մարկարովը նշեց. «Մենք այս փոփոխությունը նկատեցինք երկու ճակատներով. առաջին ճակատը եղել է այն հայտարարությունը, որը հնչեցվել է ՌԴ արտգործնախարարության խոսնակ Զախարովայի կողմից: Եվ երկրորդը՝ դրանից հետո Մինսի խմբի համանախագահողների կողմից հնչած հայտարարությունը. առաջին անգամ եռանխագահողների կողմից նշվել է առճակատման կոնկրետ մեղավորը: Այսինքն՝ Ադրբեջանին ցույց է տրվում, որ այլևս հանդուրժելի չէ այն իրավիճակը, որ նախկինում եղել է, երբ հայտարարությունները եղել են անհասցե, և Ադրբեջանը պաշտոնական հայտարարության մեջ դիտվում է որպես ագրեսոր:
Ագրեսորի կարգավիճակը բնականաբար փոխում է Ադրբեջանի դերակատարությունը, այդ թվում նաև բանակցային գործընթացում, ըստ էության, Ադրբեջանական կողմը պետք է հարգի այն պայմանավորվածությունները, որոնց մասին խոսվել է Վիեննայի և Սանկտ Պետերբուրգի հանդիպումներից հետո:
Արդյո՞ք սա առաջին քայլն է և արդյո՞ք ԵԱՀԿ Մինսկի խումբը կգնա ավելի վճռական քայլերի, ժամանակը ցույց կտա:
Մինսկի խմբի համանախագահողները այս հայտարարությամբ Բաքվին ցույց են տալիս, որ նրա մոտեցումը բանակցային և հետբանակցային գործընթացին ոչ կառուցողական է, այսինքն՝ մեկ բան ասվում է բանակցային գործընթացում, հանդիպումների ժամանակ, սակայն քաղաքական պրակտիկ գործողությունները դրան չեն համապատասխանում:
Այս հայտարարությունն այն դիվանագիտական ձևն է, որ կարելի է ներկայացնել, որ արդեն հայտարարված է համանախագահողների կողմից դժգոհությունն Ադրբեջանից՝ որպես բանակցային կողմ, որը չի կատարում իր ստանձնած պարտավորությունները:
Մանրամասները՝ տեսանյութում:
