Սեպտեմբերի 15-ին Շվեդիայի թագավոր Կառլոս Գուստավ 16-րդը նշում է իր գահակալության 40 ամյակը: Այս մասին հաղորդում է Ria Novosti-ն:
Նա միապետ է դարձել 1973-ին, երբ 27 տարեկան էր:
Շվեդիայի թագավորն հոբելյանը սկսել էր նշել դեռևս այս տարվա գարնանից, երբ շրջում էր երկրով և հադիպում հայրենակիցների հետ: Այդ այցերն ավարտվել են անմիջապես սեպտեմբերի 15-ի նախօրեին: Տոնախմբության շրջանակներում Ստոկհոլմում ցուցահանդես է բացվել՝ նվիրված թագավորին և պետության ղեկավարի պաշտոնում անցակացրած նրա տարիներին: Շվեդիայի կառավարության և խորհրդարանի կողմից շաբաթ օրը կազմակերպվել է հոբելյանական ընթրիք, ապա երկրում հայտնի երգիչ-երգչուհիների մասնակցությամբ՝ համերգ:
Կառլոս Գուստավ 16-րդի գահակալության տարելիցը կնշվի նաև պատարագով, որը տեղի կունենա Ստոկհոլմի արքայական պալատի եկեղեցում: Բացի այդ, Ստոկհոլմի կենտրոնում քաղաքային իշխանությունները բոլոր ցանկացողներին ուրախ ժամանց են խոստանում՝ մայրաքաղաքային դիջեյների առաջարկած երաժշտության ներքո:
Կառլոս Գուստավ 16-րդը ծնվել է 1946-ի ապրիլի 30-ին: Նա ամուսնացած է թագուհի Սիլվիայի հետ: Նրանք 3 զավակ ունեն՝ գահաժառանգ արքայադուստր Վիկտորյան, արքայազն Կառլոս Ֆիլիպը և արքայադուստր Մադլենը:
