Նախօրեին Վրաստանի Բաթում քաղաքի կենտրոնում փոխհրաձգության հետևանքով վիրավորվել է երկու քաղաքացի և մեկ ոստիկան:
Ինչպես հաղորդում է Rosbalt-ը` վկայակոչելով Վրաստանի ՆԳՆ մամլո ծառայությունը, նախօրեին երեկոյան ոստիկանները, հիմնվելով օպերատիվ տեղեկատվության վրա այն մասին, որ արտասահմանցի քաղաքացին անօրինական հատել է Վրաստանի սահմանը, կանգնեցրել են նրա ավտոմեքենան` փաստաթղթերը ստուգելու համար:
Ավտոմեքենայում գտնվող տղամարդը պայուսակից հանել է ատրճանակը և մի քանի կրակոց արձակել` վիրավորելով ոստիկանին և պատահական անցորդի: Ոստիկանները պատասխան կրակ են բացել ` վիրավորելով տղամարդուն, որը ձերբակալվել է ավտոմեքենայում գտնվող երկու անձանց հետ: