Պենտագոնը հավանության է արժանացրել առաջիկա 5 տարիներին ԱՄՆ-ի ներկայությունը Ասիա-խաղաղօվկիանոսյան տարծաշրջանում հզորացնելու նպատակով շուրջ 8 միլիարդ դոլարի ներդրման ծրագիրը: Այս մասին հաղորդում է The Wall Street Journal թերթը:
Ծրագիրը նախատեսում է ռազմական ենթակառուցվածքների արդիականացում, հավելյալ զորավարժությունների անցկացում, ինչպես նաև նոր ուժերի և նավերի տեղակայում: Ծրագիրը ներկայացրել է սենատոր Ջոն Մաքքեյնը: Նրա նախաձեռնությունը հավանության է արժանացել նաև Կոնգրեսի մյուս անդամների, պաշտպանության նախարար Ջեյմս Մետիսի կողմից:
Միացյալ Նահանգները սպառնալիք է համարում Չինաստանի գործողությունները, որը Հարավ-Չինական ծովում հավակնություն ունի վիճելի տարածքների հանդեպ՝ հզորացնելով իր ուժերն այդ շրջանում: Վաշինգտոնի կարծիքով՝ նման գործողությունները մեծացնում են հակամարտությունների առաջացման վտանգը և սպառնում են տարածաշրջանի անվտանգությանը:
