ԱՄՆ-ի դիրքորոշումը չի փոփոխվել՝ Վաշինգտոնը պայքարելու է իշխանությունից Սիրիայի նախագահ Բաշար Ասադի հեռանալու համար: Այս մասին, ինչպես հաղորդում է RIA Novosti-ն, հայտարարել է Պետդեպարտամենտի ներկայացուցիչ Ջեն Փսաքին:
Նրա խոսքերով՝ Ժնևում չորեքշաբթի պետքարտուղար Ջոն Քերիի և ՌԴ ԱԳՆ ղեկավար Սերգեյ Լավրովի խորհրդակցության ժամանակ չի նախատեսվում քննարկել այն հարցը, որ Ասադը կարող է շարունակել ղեկավարել երկիրը:
«Ես չեմ կարծում, որ մենք կքննարկենք նմանատիպ որևէ բան… Զրույցը լինելու է այն մասին, թե ինչպես Սիրիայից հեռացնել քիմիական զենքը»,- ասել է Փսաքին:
Նա նշել է, որ ԱՄՆ-ն ընդունում է հակամարտությունը դիվանագիտական ճանապարհով լուծելու անհրաժեշտությունը:
