Երգչուհի Անի Լորակը 7 Дней ամսագրի հետ ունեցած իր հարցազրույցում ասել է, որ ցանկանում է ամուսնուն ևս մեկ դուստր պարգևել:
Ամուսինները երկամյա դուստր ունեն՝ Սոֆյան: Երգչուհին խոստովանել է, որ նրան նայելիս զգում է, որ սկսում է Մուրատին ավելի ուժգին սիրել: «Երբ նայում եմ Սոնեչկայի դիմագծերին, ցանկանում եմ, որ մենք ավելի շատ լինենք: Այսինքն՝ ցանկանում եմ կրկին երեխաներ ունենալ, քանի որ սիրո մեջ ծնվում են ամենագեղեցիկ և առողջ երեխաները»,- ասել է երգչուհին:
Անին ասել է, որ չնայած նրան, որ իր ամուսինը մուսուլման է, իրենք երեխային կնքել են: «Ամուսինս չարգելեց: Տրամաբանական է կնքել երեխաներին, երբ ապրում ես քրիստոնեական երկրում»: Ինչ վերաբերում է դաստիարակությանը, քանի դեռ հայրիկը և մայրիկը աշխատում են, երեխայով դայակներն են զբաղվում: Երգչուհին նաև խոստովանել է, որ դստերը դեռևս չի տանում իր համերգներին:
Անի Լորակը, սակայն, ցանկանում է կրկին մայրանալ: Իր երջանիկ ապագան նա տեսնում է հենց ընտանիքի և երեխաների շրջապատում և ինչպես պարզվեց՝ փառքի ճառագայթների ներքո:
