2011 թ. մայիսի 31-ին Արնիկա ասոցիացիայի «Թույներ և թափոններ» ծրագիրը և «Հայ կանայք հանուն առողջության և առողջ շրջակա միջավայրի» հասարակական կազմակերպությունը, ԵԱՀԿ երևանյան գրասենյակի համագործակցությամբ, կազմակերպում են Ստոկհոլմի կոնվենցիայի 10-րդ տարեդարձին նվիրված միջազգային համաժողով, որի նպատակն է ներկայացնել Եվրամիության ֆինանսավորմամբ համատեղ իրականացված «Հայաստանի գյուղական համայնքներում աղքատության կրճատմանը նպաստելու նպատակով բնակչության քիմիական անվտանգության բարելավման ոլորտում ձեռք բերված փորձի տարածում» ծրագրի արդյունքները։
Համաժողովը տեղի կունենա Ծաղկաձորում։ Տեղի կունենա նաև մամուլի ասուլիս, որի ընթացքում մասնագետները կխոսեն ոլորտի խնդիրների մասին։
