ԱՄՆ պաշտպանության գործակալության վճարները Ղրղըզստանին Բիշքեկում գտնվող նախկին ավիաբազայի՝ ներկայում Տարանցիկ փոխադրումների կենտրոնի վարձակալման և այլ ծախսերի համար ընթացիկ տարում կազմել են 239 մլն դոլար:
Ինչպես հայտնել են կենտրոնի մամլո ծառայությունից, այդ գումարից վառելիքի գնման վրա ծախսվել է ավելի քան 158 մլն դոլար: Վարձակալությունը, կոմունալ ծառայություններն ու «Մանաս» միջազգային օդանավակայանում ինքնաթիռների սպասարկումն արժեցել են ավելի քան 15 մլն դոլար՝ փոխանցում է Interfax-ը:
Համեմատության համար նշենք, որ Ռուսաստանի համար ղազախական «Բայկոնուր» տիեզերակայանի շահագործումը կազմում է տարեկան 115 մլն դոլար: