Առնվազն 37 մարդ է տուժել երկուշաբթի ընդդիմության կողմից Վենեսուելայի մայրաքաղաք Կարակասում կազմակերպված բողոքի ակցիաների ժամանակ։ Այս մասին հայտնում է TASS գործակալությունը՝ հղում անելով իշխանության ներկայացուցչին։
Տուժածների հիմնական մասի մոտ ախտորոշվել են «կոնտուզիաներ և վնասվածքներ», միայն 3-ի մոտ է վնասվածքը եղել հրազենային։ Տուժածներից ոչ ոքի կյանքին վտանգ չի սպառնում։
Ապրիլի սկզբից Վենեսուելայում անցկացվում են հակակառավարական ցույցեր, որոնք երբեմն վերաճում են ոստիկանության հետ բախումների։ Ճգնաժամի պատճառ էր դարձել Գերագույն դատարանի որոշումը՝ նախագահի և ընդդիմադիր խորհրդարանի լիազորությունների վերաբերյալ։
«Վենեսուեական քրեական ֆորում» ոչ կառավարական կազմակերպության հաշվարկների համաձայն՝ այդ ընթացքում ձերբակալվել է ավելի քան 1600 մարդ, զոհվել՝ մոտ 30-ը։
