ԱՄՆ 2 կինոփառատոներում կցուցադրվի Հյուսիսային Կորեայի «չուչխեի» գաղափարախոսության ու ռեժիմում նրա ունեցած դերի մասին պատմող վավերագրական ֆիլմ՝ հայտնում է հարավկորեական «Ռենհապ» գործակալությունը:
Ռոբ Մոնցի կարճամետրաժ վավերագրական Juche Strong («Ուժեղ չուչխե») ֆիլմը լայն հանրությանը կցուցադրվի հոկտեմբերի 1-ին Սան Ֆրանցիսկոյում մեկնարկող վավերագրական ֆիլմերի փառատոնում:
Ավելի ուշ ֆիլմը կուղարկվի Հյուսիսային Կորեայում մարդու իրավունքներին նվիրված փառատոնին՝ հայտնում է «Ամերիկայի ձայնը»:
Ֆիլմն արդեն ցուցադրվել է ԱՄՆ-ի որոշ համալսարաններում՝ սկսած այս տարվա մարտից:
Ֆիլմի ռեժիսորը, որը գաղտնի է կատարել նկարահանումները Հյուսիսային Կորեայում և երկիր է ժամանել որպես զբոսաշրջիկ, պատմում է «չուչխեի» գաղափարախոսության մասին, որը ընկած է ժամանակակից հյուսիսկորեական ռեժիմի հիմքում:
