Մեքսիկայի ոստիկանությունը շաբաթ առավոտյան անցկացրել է հատուկ օպերացիա, որի ընթացքում Նայարիտ նահանգում ձերբակալվել են թմրամաֆիայի խոշորագույն խմբավորման տասնյակ անդամներ: «Լոս Սետաս» կարտելի մի քանի անդամներ անչափահաս են:
Ընդհանուր առմամբ՝ ոստիկանությունը ձերբակալել է 26 մարդու՝ գրում է El Informador-ը՝ հղում կատարելով Նայարիտի գլխավոր դատախազությանը:
Հանցագործներին ձերբակալելու օպերացիային մասնակցել է միանգամից 3 գերատեսչություն՝ Մեքսիկայի գլխավոր դատախազությունը, պաշտպանության նախարարությունն ու Ռազմածովային նավատորմի նախարարությունը: Խուզարկության ընթացքում կասկածյալների մոտից առգրավվել են 31 ինքնաձիգ և 377 փամփուշտ:
«Լոս Սետասը» (Los Zetas) Մեքսիկայի ամենախոշոր թմրակարտելներից է:
