Բրիտանական ներդրումային Albanwise ընկերությունը բրիտանական Նորթ-Յորքշիր կոմսությունում գյուղ է գնել, որը վաճառքի էր հանվել 20 մլն ֆունտ ստեռլինգով (մոտ 26 մլն դոլար)։ Այս մասին հայտնում է ITV հեռուստաալիքը։
Ուեսթ Հեսլերթոն գյուղը վաճառքի էր հանվել մոտ մեկ տարի առաջ։ Դրա տարածքում (ավելի քան 850 հա) գտնվում է 21 սենյականոց մեծ առանձնատուն, 43 տներ, փաբ, մարզասրահ և սպորտային հրապարակներ։
Գյուղը 150 տարի պատկանել է մեկ ընտանիքի։ Վերջին տերը եղել է Իվ Դանուեյը, ով 1960-ականներին ժառանգություն էր ստացել այն հորից։ 84 տարեկանում՝ 2010 թվականին, նա մահացել է։ Նրա ժառանգները որոշել են ազատվել դրանից։ Ինչպես նշում է հեռուստաալիքը՝ գյուղում ապրող ընտանիքների համար կինը սահմանել էր տան վարձակալության ցածր գումար և ցանկացել, որպեսզի հաջորդ տերը շարունակի իր գործը։
Գյուղը տարեկան բերում է մոտ 388 հազար ֆունտ եկամուտ։
