Լույս աշխարհ եկած ամենափոքրիկ նորածիններից մեկը կարողացել է ապրել՝ չնայած բժիշկները նրա կենդանի մնալու շանսերն ընդամենը 10 տոկոս են գնահատել:
Երեխայի մոր՝ Ջեմա Հասքիի խոսքերով հղիության ժամանակ ինքը պրեէկլամփսիայով է տառապել։ Բժիշկները խորհուրդ են տվել ընդհատել հղիությունը՝ երեխայի մոտ շեղումների հավանականության պատճառով: Սակայն ուղեղի սքանավորումից հետո, որը երեխայի մոտ ոչ մի շեղում չի հայտնաբերել, կինը հրաժարվել է ընդհատել հղիությունը:
Մի քանի օր անց, սակայն, Ջեմմայի առողջական վիճակը վատացել է, և նա ստիպված է եղել ծննդաբերել 24 շաբաթականում:
Ջեմմա Հասքին իր տղային կարողացել է տեսնել ծննդաբերությունից միայն 4 օր անց, սակայն այդ օրը երեխայի մոտ թոքերի արյունահոսություն է սկսվել, և բժիշկները հայտարարել են, որ տղան 24 ժամ կարող է ապրել, հաղորդում է Mail Online-ը:
Ծնողները ստիպված համաձայնել են, որ բժիշկները թոքերի ագրեսիվ օդափոխություն կատարեն, որից հետո Ֆիլինը կենդանի է մնացել:
17 շաբաթ անց տղային դուրս են գրել հիվանդանոցից: Այն, որ երեխան ողջ է մնացել, բժիշկների կարծիքով, իսկական հրաշք է:
