Քուրդ զինյալները դադարել են լքել Թուրքիայի տարածքը, քանի որ իշխանությունը հրաժարվում է քայլեր ձեռնարկել, որոնք համաձայնեցվել են խաղաղ գործընթացի շրջանակներում: Նրանք, սակայն, խոստացել են պահպանել հրադադարի ռեժիմը: Այս մասին հաղորդում է Retuers գործակալությունը՝ վկայակոչելով Firat News տեղի կայքը:
Քրդստանի աշխատավորական կուսակցության (PKK) անդամները մայիսից սկսել են լքել Թուրքիայի տարածքը՝ վերջ դնելու համար հակամարտությանը, որը խլել է շուրջ 40 հազար մարդու կյանք:
PKK-ի առաջնորդ Աբդուլլահ Օջալանը հրադադարի մասին հայտարարել է մարտին՝ Թուրքիայի ղեկավարության հետ բանակցություններից հետո: Այնուհետև նրա գրոհայինները սկսել են լքել Թուրքիայի տարածքը՝ հաստատվելով Իրաքում՝ հույս ունենալով այստեղ հասնել քրդերի իրավունքների պաշտպանությանը:
«Չնայած քրդերը դադարեցրել են Թուրքիայի տարածքից դուրս գալու գործընթացը, հրադադարի ռեժիմը կպահպանվի, որպեսզի «Արդարություն և զարգացում» կուսակցությանը հնարավորություն ընձեռվի միջոցներ ձեռնարկել՝ առաջնորդ Ապոյի (Աբդուլլահ Օջալան) նախագծի համաձայն»,- ասվում է «Քրդստանի համայնքների միության» հայտարարության մեջ:
