Իրանի Իսլամական Հանրապետության նախագահ Մահմուդ Ահմադինեժադը պաշտոնական այցով ժամանելու է Երևան՝ քննարկելու Հայաստանի և Իրանի երկկողմ հարաբերությունները տարբեր ոլորտներում: Այս մասին հաղորդում է Press TV իրանական լրատվական գործակալությունը:
Իրանի նախագահի երկօրյա այցը սկսվելու է հունիսի 6-ին: Իրանական աղբյուրը նշում է, որ սա պատասխան այց է այն բանից հետո, երբ Իրանի նախագահի հրավերով Թեհրան էր ժամանել ՀՀ նախագահ Սերժ Սարգսյանը՝ մասնակցելու իրանական Նովրուզի տոնակատարություններին:
Իրանի նախագահն վերջին այցը Հայաստան տեղի էր ունեցել 2007-ի հոկտեմբերին իր պաշտոնավարության առաջին շրջանում: Հիշեցնենք, որ այդ ժամանակ Իրանի նախագահն անսպասելիորեն հրաժարվեց այցելել Մեծ եղեռնի զոհերի հիշատակի հուշահամալիր: