Սիրիական բանակի հրամանատարները չորս ամիս շարունակ համոզել են Ասադին, որ համաձայնի ապստամբների դեմ քիմիական զենք կիրառել, սակայն միշտ մերժվել են, և հնարավոր է, որ օգոստոսի 21-ին քիմիական հարձակումն Ասադի թույլտվությամբ չի իրականացվել։ Կիրակի օրն այս մասին գրում է Bild am Sonntag հրատարակչությունը՝ հղում կատարելով գերմանական հատուկ ծառայությունների աղբյուրներին, տեղեկացնում է РИА Новости-ն:
Հրատարակչության տվյալներով՝ այդ տեղեկատվությունը Գերմանիայի Դաշնային հետախուզական ծառայությունը ստացել է ռադիոալիքներ որսալու միջոցով։ Միջերկրական ծովում՝ Սիրիայից ոչ հեռու արդեն երկար ժամանակ տեղակայվել է գերմանական ռազմածովային ուժերի «Օկեր» նավը, որը զբաղվում է ռադիոէլեկտրոնային հետախուզությամբ:
Bild am Sonntag-ի տվյալներով՝ գերմանական արտաքին հետախուզությունը տեղեկացրել է, որ Ասադը դեռ երկար ժամանակ կարող է իշխանության գլխին մնալ նույնիսկ այն դեպքում, եթե ԱՄՆ-ը Սիրիայի վրա ռազմական հարձակում իրականացնի: «Իսկ քաղաքացիական պատերազմը կարող է դեռ երկար տարիներ տևել,- այս շաբաթ կայացած փակ նիստում հայտարարել է հատուկ ծառայության ղեկարավար Գերհարդ Շինդլերը, ում բառերն էլ մեջբերում է հրատարակչությունը:
Դրանից բացի, հրատարակչությունը, հղում կատարելով Բունդեսվերի գլխավոր տեսուչ Ֆոլկեր Վիկերին, տեղեկացրել է սիրիական զինված ընդդիմության էական փոփխությունների մասի: Այսպես, ասվում է, որ թուլանում է «Ազատ սիրիական բանակը», որին աջակցում է Արևմուտքը, և որը նախկինում համարվում էր ընդդիմադիր հիմնական զինված խմբավորումը: