Ամենաուժեղ զգացողություններն ապահոված կլինեն այն ժամանակ, երբ ջրի տակ հանդիպեք ամենավտանգավոր ջրային գիշատչի՝ սպիտակ շնաձկան հետ: Աշխարհում մի քանի տեղ կա, որտեղ այդ հանդիպումը կարելի է առավելագույնս անվտանգ կազմակերպել՝ նույնիսկ առանց ջրասույզի PADI սերտիֆիկատի:
Աշխարհի մի քանի կետերում որոշ տուրիստական կազմակերպություններ էքստրեմալ զբոսաշրջիկների համար ճաղավանդակներով ջրասուզում են կազմակերպում:
Style.rbc-ն սարսափելի գազանների հետ հանդիպման համար չորս ապահով վայր է ներկայացնում:
Գվադելուպե կղզի, Մեքսիկա
Գործակալություն՝ Shark Diver
Լավագույն սեզոնը՝ սեպտեմբերից մինչև հոկտեմբեր
Գինը՝ 6 օրվա համար 3100 դոլար
Գվադալուպե կղզին գտնվում է մեքսիկական Էնսենդա կղզուց 400 կմ հեռավորության վրա: Կղզին իրենից արգելանոց է ներկայացնում, որտեղ 30 մետր տեսանելիություն ունեցող մաքուր ջրում կարելի է սպիտակ շնաձկների հանդիպել: Հատուկ ճաղավանդակի մեջ 4-5 մարդ է տեղավորվում:
Ֆարալոնյան կղզիներ, Սան Ֆրանցիսկո
Գործակալություն՝ Great White Adventures.
Լավագույն սեզոնը՝ սեպտեմբերից հոկտեմբեր
Գինը՝ մեկ օրվա համար՝ $775
Այս կղզեխումբը մեծ քանակությամբ ջրային կենդանիներ է գրավում, որոնցով էլ սնվում են սպիտակ շնաձկները: Սպիտակ շնաձկներին հանդիպելու լավագույն ժամանակն այստեղ աշունն է:
Նեպտուն կղզի, Ավստրալիա
Գործակալություն՝ Calypso Star Charters
Լավագույն սեզոնը՝ կլոր տարին
Գինը՝ օրեկան $350
Նեպտուն կղզու մոտ վեց զբոսաշրջիկների կանգնեցնում են ճաղավանդակի մեջ և իջեցնում գիշատիչների մոտ: Ջրասույզները 45 րոպեի ընթացքում կարող են նկարահանել շնաձկներին անջրաթափանց տեսախցիկներով: Ամենակարևորը՝ ձեռքերը ճաղավանդակից դուրս չհանելն է, հակառակ դեպքում կարող եք առանց ձեռքերի ջրի երես բարձրանալ:
Շնաձկների ուղի, Հարավային Աֆրիկա
Լավագույն սեզոնը՝ մարտից սեպտեմբեր
Գինը՝ օրական 150 դոլար
Հարավային Աֆրիկայի ջրերում շնաձկներն անթիվ-անհամար են: Այդ պատճառով էլ սուզվելու տեղերն էլ են մի քանիսը: Ամենատարածվածներն են՝ False Bay-ը, Dyer Island-ը, Gansbaai-ը և Քեյփ Փոյնթը: Դրանք միասին կոչվում են Շնաձկան ուղի:
Քեյփթանուից 170 կմ հեռավորության վրա գտնվող Հանսբայ քաղաքը շնաձկների ոչ պաշտոնական մայրաքաղաքն է համարվում: Սակայն այստեղ ջրի տեսանելիությունը շատ ցածր է, փոխարենը շնաձկներից բացի, կարելի է հանդիպել կետերի, դելֆինների և պինգվինների:
Ամենաանվախ ջրասույզներին Քեյփ Փոյնթի մոտակայքում թույլատրում են առանց ճաղավանդակի սուզվել: Ասում են, որ այստեղ շնաձկները կերակրված և վարժեցված են ու մարդու վրա չեն հարձակվում:
