Ողջ աշխարհում սովից տառապող մարդկանց թիվը 2016 թվականին ավելացել է 28 միլիոնով և հասել 108 միլիոնի։ Այս մասին հայտնում է RT-ն՝ հղում անելով Եվրահանձնաժողովին կից Միացյալ հետազոտական կենտրոնի տվյալներին։
213
Մեծամասամբ զանգվածային սովը կապված է ձգձգվող զինված հակամարտությունների և կլիմայական փոփոխությունների հետ։ Սննդամթերքի աղետալի սղության հետ կապված վիճակը սրվել է Սիրիայում, Հարավային Սուդանում, Սոմալիում, Եմենում և Իրաքում։
«10 ամենածանր մարդասիրական ճգնաժամերից 9-ը դարձել են ներքին զինված հակամարտությունների հետևանք, ինչը ևս մեկ անգամ ընդգծում է փոխադարձ կապը խաղաղության խնդիրների և սննդի անվտանգության հարցերի միջև»,-ասել են կենտրոնի փորձագետները։
