Վենետիկյան 70-րդ կինոփառատոնի գլխավոր մրցանակին՝ «Ոսկե առյուծին», արժանացել է իտալացի ռեժիսոր Ջանֆրանկո Ռոզին՝ Sacro Gra փաստագրական ֆիլմի համար: Այս մասին հաղորդում է Deadline-ը:
Ժյուրիի կողմից գրան-պրին տրվել է թայվանցի ռեժիսոր Ցայ Մին Յանի «Թափառող շները» ֆիլմին:
Ժյուրիի հատուկ մրցանակին է արժանացել գերմանացի ռեժիսոր Ֆիլիպ Գրենինգը, ով կինոփառատոնին ներկայացրել է «Ոստիկանի կինը» կինոժապավենը:
«Արծաթե առյուծը» ստացել է հույն ռեժիսոր Ալեքսանդրոս Ավրանասը՝ «Տիկին դաժանություն» ֆիլմի համար: Լավագույն սցենարի համար մրցանակ է ստացել բրիտանացի ռեժիսոր Սթիվեն Ֆրիրզի «Ֆիլոմենա» ֆիլմը:
Լավագույն դերասանուհի է ճանաչվել Ելենա Կոտան, լավագույն դերասան՝ Թեմիս Պանուն:
