Եվրոպայի խորհրդի գլխավոր քարտուղար Թորբյորն Յագլանդը կոչ է արել Թուրքիայի իշխանություններին ապահովել հանրապետության դատական համակարգի անկախությունը։ Համապատասխան հայտարարությամբ նա հանդես է եկել Թուրքիայում սահմանադրական փոփոխությունների հարցով հանրաքվեի նախնական արդյունքների հրապարակումից հետո՝ ասվում է Եվրոպայի խորհրդի կայքում։
«Թուրք ընտրողները կողմ են քվեարկել սահմանադրական ուղղումներին։ Հաշվի առնելով վերջնական արդյունքների առաջիկա ամփոփումը՝ թուրքական ղեկավարությունը պետք է մանրակրկտորեն քննի հետևյալ քայլերը։ Չափազանց կարևոր է դատական համակարգի անկախության ապահովումը՝ համապատասխան օրենքի գերակայության սկզբունքի, որն ամրագրված է Մարդու իրավունքների եվրոպական կոնվենցիայում»,-նշել է Յագլանդը։
Նա ընդգծել է, որ Եվրոպայի խորհուրդը, որում Թուրքիան մտնում է 1949 թվականից, պատրաստ է Անկարային աջակցություն ցուցաբերել այդ հարցում։
