Թուրքիայի ժողովրդավարության պատմության մեջ նոր էջ է բացվել՝ ասել է Թուրքիայի վարչապետ Բինալի Յըլդըրըմը սահմանադրական փոփոխությունների հանրաքվեում հաղթանակի հետ կապված ելույթի ընթացքում։
«Ես երախտապարտ եմ նախագահ Ռեջեփ Թայիփ Էրդողանին, «Ազգայնական շարժում» կուսակցության առաջնորդ Դևլեթ Բահչելիին և ողջ թուրք ժողովրդին՝ աջակցության համար։ Ժողովուրդն ընտրել է կառավարման նախագահական ձևը։ Մենք կպաշտպանենք ժողովրդի միասնությունը։ Ոչ ոք չի պարտվել հանրաքվեում, հաղթել է միայն Թուրքիան»,-ասել է վարչապետը։
Վարչապետը նշել է, որ այսուհետ Թուրքիան ավելի ուժգին կպայքարի թշնամիների հետ ներսում և դրսում, կշարունակի ինտենսիվ զարգանալ։
Նախնական տվյալներով՝ Թուրքիայի սահմանադրական ուղղումների օգտին է քվեարկել ընտրողների 51.33 տոկոսը։
Քվեարկությանը մասնակցել է ընտրելու իրավունք ունեցող քաղաքացիների 84 տոկոսը։
