Պաշտոնի բարձրացման կարելի է հասնել ոչ միայն երեկոներն աշխատավայրում անցկացնելով և ղեկավարի հանձնարարությունները կատարելով: Նոր ուսումնասիրության համաձայն՝ հաջող կարիերայի գաղտնիքը կայանում է նրանում, որ հարկավոր է հանգվել ղեկավարի պես:
Գիտնականները հայտնաբերել են, որ ղեկավարների մեծամասնությունը մեծ ուշադրություն է դարձնում աշխատակիցների հագնվելու ոճի վրա: Նրանք նախընտրում են, որ աշխատակիցները իրենց պես հագնվեն:
2000 մարդու շրջանում անցկացված հարցումները ցույց են տվել, որ միանման հագուստի ընտրությունը բարձրացնում է թիմային ոգին և արտադրողականությունը:
Mail Online-ի տվյալներով՝ հարցվածների կեսից ավելին (54 %) հայտարարել են, որ հագուստի իրենց ոճի վրա ազդել են ղեկավարների և իրենց կոլեգաների հագնվելու ոճը: 33 %-ը հայտարարել է, որ իրենց թիմը մտադրված նմանատիպ հագուստ է գնել և պայմանավորվել է միանման հագնվել շաբաթվա որոշակի օրերին:
Հարցվածների 32 %-ը, ինչպես պարզվել է, պատահաբար են շաբաթվա երկու-երեք օրը միանման հագնվում, ինչն էլ միասին անցկացրած ժամանակի ազդեցությունն է հանդիսանում:
Իրենց կոլեգաների և ղեկավարների հագնվելու ոճն ընդօրինակելու տենդենցը մեր ժամանակներում նկատվում է գրասենյակների մեծամասնությունում:
Մասնագետները նշում են, որ ղեկավարի պես հագնվելով՝ աշխատակիցներն ընդօրինակում են նրան նաև մյուս հարցերում:
