Հյուսիսավստրիական Ամշտետոն քաղաքի ադմինիստրացիան որոշել է պաշտոնապես զրկել Ադոլֆ Հիտլերին քաղաքի պատվավոր քաղաքացու կոչումից։ Այդ կոչումը նրան տրվել էր 1939 թվականին։ Նման առաջարկով քաղաքի ադմինիստրացիային էին դիմել Կանաչների կուսակցության ներկայացուցիչները։ Ծայրահեղ աջ ուժերից երկու ներկայացուցիչ հրաժարվել է մասնակցել քվեարկությանը՝ պատճառաբանելով, որ կոչումը կորցրել է իր ուժը 1945թ.-ին՝ Հիտլերի մահից հետո։
Ավստրիայի բազմաթիվ քաղաքներ են Հիտլերին պատվավոր քաղաքացու կոչում տվել1939 թ.-ին։ Ավստրիական մեկ այլ քաղաքի՝ Կլագենֆուրտի քաղաքապետը, առանց սպասելու քաղաքային խորհրդի որոշմանը, Հիտլերի անունը ջնջել է պատվավոր քաղաքացիների ցուցակից։
