Այսօրվա ամենաքննարկվող թեմաներից մեկը Սքարլեթ Յոհանսոնի և Ռոման Դորիակի նշանադրությունն ու առաջիկա հարսանիքն է: Եվ չնայած զույգը դեռ մեկնաբանություններ չի արել՝ spletnik.ru-ն որոշել է գրել այն ամենը, ինչ հայտնի է Սքարլեթի ընտրյալի մասին:
Հիշեցնենք, որ Սքարլեթը և Ռոմանը հանդիպել են 10 ամիս առաջ: Լուրերի համաձայն՝ Ֆրանսիայում դերասանուհու հանգստանալու ժամանակ զույգին ծանոթացրել է նրանց ընդհանուր ընկերը՝ նկարիչ և դաջվածքների մասնագետ Fuzi-ն: Առաջին անգամ զույգը հանրության մեջ երևացել է անցած տարվա նոյեմբերին կայացած «Հիչքոք» ֆիլմի պրեմիերային:
Հայտնի է, որ Դորիակը 30 տարեկան է, մասնագիտությամբ լրագրող է, որոշ ժամանակ եղել է ֆրանսիական Clark ամսագրի խմբագիրը:
Աղբյուրի տեղեկացմամբ՝ Յոհանսոնի սիրեցյալը չի սիրում սոցիալական ցանցերը. չնայած երիտասարդը Twitter-ում օգտահաշիվ ունի, սակայն երեք տարիների ընթացքում նա իր միկրոբլոգում ոչ մի տող չի գրել: Ընդ որում, Սքարլեթն այն քիչ աստղերի թվին է պատկանում, ով Twitter-ում գրանցված չէ:
Բացի դրանից, հաշվի առնելով այն հանգամանքը, որ դերասանուհին ծայրահեղ հազվադեպ է Ռոմանի հետ միասին հասարակական վայրերում լինում՝ նրա սիրեցյալի դեմքը չի հայտնվում տաբլոիդների առաջին էջերին։ Սրանից նաև կարելի է եզրակացնել, որ Ռոմանը չի ձգտում հայտնի դառնալ իր ըներուհու անունն օգտագործելով:
Նշենք մեկ այլ անհերքելի փաստ՝ Դորիակն ու Յոհանսոնը շատ գեղեցիկ զույգ են:
