Քաղաքագետների միության նախագահ Հմայակ Հովհաննիսյանի կարծիքով, թե՛ Մեդվեդևը, թե՛ Պուտինը հակամարտելու շռայլություն իրենց թույլ տալ չեն կարող:
«Ես չեմ տեսնում հակամարտություն Պուտինի և Մեդվեդևի միջև, հույժ մրցակցության հնարավորություն իսկ, այն էլ այսօրվա Ռուսաստանում, երբ հիմնական մտավախությունն այն է, որ պատմությունը կարող է կրկնվել: Եթե նման մրցակցություն իրականում լինի, ապա տեղի կունենա այն, ինչ եղավ Խորհրդային Միության պարագայում. Գորբաչով-Ելցին կոշտ մրցակցությունը բերեց ցնցումների, որոնք էլ ավարտվեցին երկրի փլուզմամբ»:
Հմայակ Հովհաննիսյանի դիտարկմամբ՝ ուժային կառույցների վճռորոշ ազդեցությամբ Ռուսաստանի վերնախավը եկել է ընդհանուր հայտարարի. ապագա նախագահի ընտրությունն արդեն կատարված է: Ըստ քաղաքագետի` Մեդվեդևն ավարտելու է իր գործունեությունը, և իշխանության է վերադառնալու Պուտինը. «Այդ հարցի վերաբերյալ Ռուսաստանում կարծես ձևավորվել է կոնսենսուս հասարակության հիմնական խավերի և իշխանության ամենաազդեցիկ օղակների միջև»: