ԱՄՆ տարածքի 185 կինոթատրոններ երեքշաբթի կցուցադրեն ֆիլմ, որը նկարահանվել է բրիտանացի գրող Ջորջ Օրուելի՝ անտիուտոպիայի ժանրով ստեղծված «1984» գրքի հիման վրա, ի նշան բողոքի Դոնալդ Թրամփի քաղաքականության դեմ։ Այս մասին հայտնում է NBC News հեռուստաալիքը՝ հղում անելով ակցիայի կազմակերպիչներին։
Ավելի վաղ հաղորդվել էր, որ մոտ 70 տարի առաջ հրատարակված վեպը բեսթսելլեր է դարձել ԱՄՆ նախագահական ընտրություններում Դոնալդ Թրամփի հաղթանակից հետո և պաշտոնապես վաճառվել Amazon-ի առևտրային հարթակից։
Ակցիան կանցկացվի նաև Կանադայում, Անգլիայում, Շվեդիայում, Նիդերլանդներում և Խորվաթիայում։ Հեռուստաալիքի տվյալներով՝ կազմակերպիչներն ակցիան ծրագրել են ապրիլի 4-ին, քանի որ հենց այդ օրն են սկիզբ առնում Օրուելի գրքի իրադարձությունները։
Գրքի հիման վրա ֆիլմը նկարահանվել է 1984 թվականին, ռեժիսոր Մայքլ Ռեդֆորդի կողմից։
