Վատիկանը հետ է կանչել իր դեսպանին Դոմինիկյան Հանրապետությունից և հետաքննություն սկսել նրա դեմ՝ կապված մանկապղծության մեղադրանքների հետ: Այս մասին հայտնում է BBC-ն:
Արքեպիսկոպոս Ջոզեֆ Վեսելովսկին ավելի քան 5 տարի եղել է Պապի դեսպանը Սանտո Դոմինգոյում:
Վերջին տարիներին կաթոլիկ եկեղեցին հայտնվել է մի քանի սկանդալներում՝ կապված հոգևորականների շարքերում մանկապղծության դեպքերի հետ:
Հռոմի պապ Ֆրանցիսկոսը մարտին հայտնել էր, որ մտադիր է վճռական միջոցառումներ ձեռնարկել կաթոլիկ եկեղեցու ներկայացուցիչների կողմից երեխաների հանդեպ սեռական բռնության վերացման համար:
Վերջին 10 տարում Վատիկանում մանկապիղծ հոգևորականների զոհերի կողմից ստացվել է ավելի քան 4000 հայտարարություն:
Սուրբ Գահը չի մտնում ՄԱԿ-ի կազմի մեջ, սակայն Երեխաների իրավունքների մասին կոնվենցիայով սահմանված պարտավորություններ ունի:
