ԱՄՆ և ՌԴ նախագահներ Բարաք Օբաման և Դմիտրի Մեդվեդևը Դովիլում կայացած հանդիպման ժամանակ քննարկել են մի շարք կարևոր խնդիրներ, այդ թվում՝ Լիբիայի հարցը: Այս մասին հայտնել է Մոսկվայում ԱՄՆ արտակարգ և լիազոր դեսպան Ջոն Բայերլին: Նա նաև հայտարարել է, որ չի բացառում, որ այդ հանդիպման ժամանակ կողմերը քննարկած լինեն «ՅՈւԿՈՍ» ընկերության նախկին սեփականատեր, հայտնի գործարար Միխայիլ Խոդորկովսկու գործը, հաղորդում է Interfax գործակալությունը:
«Ես կարծում եմ, որ ԱՄՆ-ն և Ռուսաստանը կիսում են Լիբիայի խնդրի հետ կապված նպատակներն ու ռազմավարությունն ավելի, քան ենթադրվում է»,- ասել է ԱՄՆ դեսպանը «Էխո Մոսկվի» ռադիոկայանի եթերում: Նրա խոսքերով՝ ամերիկացի ներդրողները կարող էին կորցնել մինչև 12 մլն դոլար, երբ «ՅՈւԿՈՍ»-ը դադարեց գոյություն ունենալ:
Բայերլին հավելել է, որ իրավաբան Սերգեյ Մագնիտսկու գործը նույնպես լուրջ մտահոգությունների տեղիք է տվել ԱՄՆ Կոնգրեսում և վարչակազմում. «Դա շարունակում է մտահոգության առարկա մնալ, քանի որ Մագնիտսկին աշխատել է ամերիկյան փաստաբանական գրասենյակում»,- ասել է դեսպանը:
