«Մանչեսթեր Յունայթեդ» չստացված տեղափոխությունից հետո Բիլբաոյի «Ատլետիկ»-ի կիսապաշտպան Անդեր Հերերան մեկնաբանել է այդ փաստը:
«Ես շատ ուրախ էի, որ աշխարհի լավագույն ակումբներից մեկը հետաքրքրվում է ինձանով, բայց ոչ ես, ոչ իմ գործակալը համաձայնության չենք եկել «Յունայթեդ»-ի հետ:
Ակումբը պետք է նախ վճարեր իմ հրաժարագինը, հետո նոր համաձայնության գար ինձ հետ` առաջարկելով ավելի լավ պայմանագիր, քան ունեմ «Ատլետիկ»-ում, բայց դա չեղավ, ու ես վայրկյան անգամ չեմ կասծակել, որ մնում եմ «Ատլետիկ»-ում:
Ես տեղյակ չեմ, թե ովքեր են եղել այդ երեք իրավաբանները, որ գնացել են ԻՖՖ-ի գրասենյակ: Այդ հարցին պետք է պատասխանի «Մանչեսթեր Յունայթեդ»-ը:
Իհարկե, ես հպարտ եմ, որ «Մանչեսթեր Յունայթեդ»-ը իմ տրանսֆերի համար առաջարկ էր ներկայացրել, բայց ավելի հպարտ եմ, որ «Ատլետիկ»-ը չէր ցանկանում բաց թողնել ինձ. այսինքն` ինձ այստեղ գնահատում են:
Ես ուրախ եմ, որ «Ատլետիկ»-ում եմ, ու մտածում եմ միայն ներկայիս մրցաշրջանի մասին: Ուզում եմ ապացուցել «Ատլետիկ»-ի հանդեպ ունեցած նվիրվածությունս»,- հայտարարել է Հերերան:
