2010 թ. դեկտեմբերին ձվի արհեստական դեֆիցիտ ստեղծելու պատճառով Լուսակերտի թռչնաֆաբրիկան տուգանվել էր գերիշխող դիրքը չարաշահելու համար: Սակայն Լուսակերտի թռչնաֆաբրիկան չի բողոքարկել ՏՄՊՊՀ մարտի 30-ի այն որոշումը, ինչի արդյունքում թռչնաֆաբրիկան տուգանվել է 100 մլն դրամով: Այդ մասին այսօր հայտարարեց Տնտեսական մրցակցություն պաշտպանության պետակն հանձնոժողովի նախագահ նախագահ Արտակ Շաբոյանը:
Հիշեցնենք, որ համաձայն գործող ընթացակարգերի` ընկերությունը կարող էր դատարան դիմել մինչև մայիսի 10-ը` հայցի պատճեն տրամադրելով նաև հանձնաժողովին: Սակայն ըստ Արտակ Շաբոյանի հանձնաժողովը մինչ օրս ոչ մի փաստաթուղթ չի ստացել: «Դիմել ենք վարչական դատարան` կազմելու վճարման կարգադրություն և տրամադրելու թռչնաֆաբրիկային»,- ավելացրեց Արտակ Շաբոյանը: