ԱՄՆ Կոնգրեսի ներկայացուցիչների պալատի խոսնակ, հանրապետական Ջոն Բեյները սեպտեմբերի 3-ին հայտարարել է, որ աջակցում է Սիրիային ռազմական հարված հասցնելու Բարաք Օբամայի որոշմանը, տեղեկացնում է Reuters գործակալությունը:
Դրա հետ մեկտեղ Բեյները կոչ է արել իր գործընկեր կոնգրեսմեններին հետևել իր օրինակին և աջակցել երկրի ղեկավարին: Խոսնակի կարծքիով՝ ԱՄՆ-ը պարտավոր է սեփական ժողովրդի դեմ քիմիական զենք կիրառելու համար պատժել սիրիական ռեժիմին: Բեյները նշել է նաև, որ Կոնգրեսը պետք է աշխարհում իր դաշնակիցներին ցույց տա, որ ծանր իրավիճակում նրանց մենակ չի թողնի:
Կոնգրեսի ներքին պալատի դեմոկրատների առաջնորդ Նենսի Փելոսին նույնպես հայտարարել է, որ աջակցում է Օբամայի որոշմանը: Նրա կարծիքով՝ Կոնգրեսը պետք է թույլատրի ռազմական գործողությունները:
Նախագահի որոշմանը կողմ են հանդես եկել նաև Ներկայացուցիչների պալատի հանրապետական մեծամասնության առաջնորդ Էրիկ Քանթորը, ինչպես նաև պաշտպանության հանձնաժողովի նախագահ Կառլ Լևինը:
Ինչպես և նախատեսված է, ԱՄՆ Կոնգրեսը Սիրիայի վերաբերյալ նախագահի որոշումը կքննարկի սեպտեմբերի 9-ին՝ պալատների համատեղ նիստում:
