Արդեն մի քանի շաբաթ է, ինչ Բելառուսի բնակիչները բողոքում են նախագահ Լուշակենկոյի դեմ. այժմ ռեժիմը որոշել է ուժ կիրառել, գրում է Tagesspiegel-ը:
Կիրակի Մինսկի կենտրոնում անցկացվող բողոքի ակցիային համարձակվեցին միանալ ևս մի քանի տասնյակ մարդ՝ պահանջելով ազատ արձակել նրանց, ովքեր ձերբակալվել էին նախօրեին:
«Գարուն» բելառուսական իրավապաշտպան կենտրոնի տվյալներով՝ մարտի 25-ին իրավապահները ձերբակալել են ռեժիմը քննադատող ավելի քան 1000 մարդու. ձերբակալումների մեծ մասը տեղի է ունեցել Մինսկում: Բողոքի երթից առաջ իրավապահները ներխուժել են կազմակերպության գրասենյակ և ձերբակալել ավելի քան 50 մարդու, այդ թվում՝ Ալես Բելյացկիին, որը երկար ժամանակ պատիժ է կրել որպես քաղբանտարկյալ: Եվրամիությունը Մինսկին կոչ է արել անհապաղ ազատ արձակել ցուցարարներին:
«Բելառուսում բողոքի ցույցերը սկսվել են մի քանի շաբաթ առաջ.մարդիկ դուրս են եկել փողոցներ՝ դեմ արտահայտվելով այպես կոչված գործազրկության հարկի դեմ»,-գրում է հոդվածագիրը՝ հավելելով, որ հրամանագիրն առայժմ ուժի մեջ չի մտել ցույցերի ֆոնին:
Տնտեսական ծանր պայմանների և Մոսկվայից սուբսիդների կրճատման պատճառով խորհրդային նախկին հանրապետությունում իրավիճակը վերջին մի քանի ամիսներին լարված է: Ընդ որում մեկ տարի առաջ Լուկաշենկոն սկսել է Արևմուտքի հետ մերձենալու գործընթացը՝ ազատ արձակելով բոլոր քաղբանտարկյալներին: Իսկ այժմ նա կրկին լցնում է բանտերը՝ ամփոփում է հոդվածագիրը: