Bee Gees խմբի երգիչ Բարիի Գիբբը Youtube-ում հրապարակել է Մայքլ Ջեքսոնի մասնակցությամբ անհայտ տեսանյութ: Պաշտոնական կայքում նշվում է, որ այս տեսագրությունն արվել է 2002 թ., երբ Գիբբն ու Ջեքսոնը համատեղ երգ էին ձայնագրում:
Երգի անունն էր All In Your Name: Տեսանյութի տևողությունն ընդամենը 30 վայրկյան է: Այդ երգի տեսահոլովակի ինչ-որ մասեր վաղուց տեղադրված էին ինտերնետում, սակայն թե ինչպես են հայտնի երգիչներն աշխատել այդ գործի վրա, մինչև հիմա անհայտ էր:
«Մայքլ Ջեքսոնն իմ ամենալավ ընկերն էր: Մեզ կապում էր միևնույն երաժշտությունը, բացի այդ, մեզ դուր էր գալիս համագործակցության գաղափարը: Ջեքսոնը մի մարդ էր, որի հետ աշխատելը շատ հեշտ էր»,- գրում է Գիբբը: Գիբբը նաև հույս է հայտնել, որ ինչ-որ ժամանակ նա կհրապարակի All In Your Name երգի ամբողջական տարբերակը: