Աշխարհի ամենախոշոր eBay աճուրդների կայքը և նրա PayPal վճարային համակարգը հայց են ներկայացրել Google-ի դեմ՝ մեղադրելով վերջինիս կոմերցիոն գաղտնիքը գողանալու մեջ:
Որպես պատասխանող կողմ հանդես են գալու PayPal-ի նախկին աշխատակիցներ Ուսամա Բեդյերը և Ստեֆանիա Տիլենիուսը: Մենք այսօր արդեն տեղեկացրել էինք Google Wallet ծառայության մշակման մասին, որը ենթադրում է ոչ կոնտակտային վճարումներ: Նախկին աշխատակցներին մեղադրում են կոմերցիոն գաղտնիքի գողության և այս ծառայությունը մշակելիս օգտագերծելու մեջ:
Հայցում նշվում է, որ Բեդյերը փորձել է PayPal-ից այլ աշխատակիցների տեղափոխել Google ընկերություն: Հայցում ասվում է նաև, որ ընկերությունները՝ Google-ն ու eBay-ը, երեք տարի բանակցություններ են վարել, համաձայն որոնց, PayPal-ը պետք է դառնար Google Android օպերացիոն համակարգի հավելվածների համար հիմնական վճարային միջոցը: eBay-ից բանակցողներից մեկը եղել է հենց Բեդյերը, որին կասկածում են eBay-ի կողմից մշակված փաստաթղթերն իր նոր ընկերությանը՝ Google-ին փոխանցելու մեջ:
